Soni Malaj

Soni Malaj is one of the most popular Albanian singers in the pop-folk genre. Her high-pitched, “angelic” voice has received the critical acclaim of music critics and fans. In albanian biography: Soni Malaj lindi më 8 nentor 1981 në Tropoje, Bajram Curri (Albania). Emri i vertetë është Sonja Malaj. Vegjëlinë, deri në moshën 9 vjeçare e kaloi në Tropojë. Me ndryshimin e sistemit në Shqiperi, nga komunist në demokratik, familja e saj u zhvendos në kryeqytetin e Shqipërisë, Tirana. Aty Soni mbaroi 8-vjeçaren, të mesmen e gjuhëve të huaja për frengjisht, dhe u diplomua për frengjisht, dega përkthim në universitetin e Gjuhëve të Huaja. Soni zbuloi pasionin e saj për muzikën që në vogëli, duke u berë kështu pjesë e festivaleve për fëmijë në Tropojë, duke u vlerësuar dhe me çmime të para dhe të dyta. Në moshën 14 vjecare, Soni bën një audicion pranë 1 studioje muzikore me qëllimin për t'u bërë këngëtare. Zëri i saj black soul edhe pse në një moshë fare të re, bie menjëherë në vesh të profesionistëve, të cilët vendosin të kultivojnë më tej talentin e saj. Pas disa kohësh Soni kalon një tjetër audicion pranë kësaj studioje muzikore, kësaj here për tu bërë pjesë e një grupi muzikor pop të përbërë nga katër vajza vokaliste dhe performuese dhe një djale që luan në saksofon. Grupi do të quhej "Spirit Voice" (Zëri i Shpirtit), pasi pjesëtarët e gupit ishin të gjithë besimtarë dhe vendosën t'a quanin kështu, përvec faktit që muzika për ta buronte nga shpirti. Grupi përbehej nga: Brikel Guga (saksofon), Angjelina Gilardi (vokal), Larisa Vrana (vokal), Dorina Nizami (vokal) dhe Sonja Malaj (Soni Malaj) - vokal. Edhe pse ishte më e vogla e grupit, Soni spikati jo vetëm për zërin e bukur, por edhe për paraqitjen dhe aftesinë e saj për të kercyer. Grupi del për herë të parë në Festivalin "Këngët e Stinës", në vitin 1997, dhe që në daljen e parë patën një bum në publik për vetë frymën rinore dhe moderne që përcillnin si grup. Në '98 njëra nga pjesëtaret e grupit, Larisa Vrana, u largua dhe pjesëtaret e mbetur të grupit bënë një audicion për të gjetur zërin e ri që do të zëvendësonte largimin e Larisës. Përzgjidhet Elia Zaharia si më e përshtatshmja për të qenë në grup, vajza e aktores së famshme shqipëtare Yllka Mujo. Grupi që nga dalja e tyre e parë në skenë është vlerësuar gjithmonë me çmime dhe u bë i dashur për të gjithë audiencën shqipëtare. Në '99 një tjetër pjesëtare largohet nga grupi, Angjelina Gilardi, por këtë rradhë pjesëtarët e tjerë vendosin mos t'a zëvendësojnë, por të vazhdojnë ashtu deri në vitin 2000, kur dy vokalistet e tjera vendosin të lënë Shqipërinë për të emigruar, Dorina në USA dhe Elia për të vazhduar studimet e aktrimit në Paris, me premtimin që "Spirit Voice" do rikthehen sërisht bashkë në një të ardhme. Sonja Malaj vendosi të mos dorëzohej. Më e pjekur profesionalisht, ajo vendos që është momenti i duhur për të vazhduar karrieren si soliste. Publiku atëhere e njihte si Sonja e "Spirit Voice" dhe shtëpia diskografike me të cilën ajo bëri albumin e parë "Mbretëresha e natës", vendosi t'i japë një emër artistik, duke e quajtur Soni Malaj. Soni e frymëzuar nga artistet e saj të preferuar Whitney Huston, Michael dhe Jannet Jackson, vendos të ndryshojë stil nga ai i mëparshmi i përdorur në grup. Ajo këndon balada, duke shpalosur kështu aftesitë e vokalit të saj, këndon këngë më energjike, të cilat i shoqëron edhe me performanca shpërthyese e shoqeruar nga grupe baleti. Soni Malaj perveç albumeve dhe koncerteve të shumta në të gjithë botën që kane vazhduar intensivisht në karrieren e saj, ka shpalosur talentin e saj dhe në Muzikalin "Chikago" në rolin e Velma Kelit. Listës së aktiviteteve të saj i shtohet po ashtu rroli i prezantueses së festivalit të madh në RTSH në vitin 2005, apo pjesëmarrja në spektalin "Dancing with the Stars", spektakë në të cilin Soni shfaqi aftësitë e saja edhe si kërcimtare. E vleresuar me shumë çmime si këngëtare dhe e dashur për publikun, Soni Malaj gjithmonë është investuar si artiste me profesionalizëm në botën e artit, për të lënë gjurmët e saj në muzikën shqipëtare. Read more on Last.fm. User-contributed text is available under the Creative Commons By-SA License; additional terms may apply.